प्रथम अनलाईन साहित्यिक हाजिरी जवाफ प्रतियोगिता सार्वजनिक ।

अंक १ (एक)

विनेसाम/अनेसास साउदी अरेवियाले संयुक्त रुपमा यो प्रतियोगिताको आयोजना गरेको हो । विश्वमा छरिएर रहेका नेपालीहरुलाई नयां ज्ञान र वुद्धिको श्रृजना हुन अति नै सहयोगी हुने देखिन्छ यो प्रतियोगिता । अझै भन्ने हो भने सम्बन्धित क्षेत्रका युवक युवती दुबैलाई प्रतिनिधित्व गर्छ वर्गहरुलाई बौद्विक विकासमा केही सानो-तिनो सहयोग पनि यस प्रतियोगिताले दिलाउने हामीले अपेक्षा राखेका छौं ।

यस प्रतियोगितामा भाग लिनको लागि निम्न नियमहरु पालना गर्नुपर्नेछ ।

1, विनेसाम/अनेसासका केन्द्रिय बोर्ड साउदी अरेवियाका सदस्यहरु र सल्लाहकार बोर्डका सदस्यहरुले यस प्रतियोगितामा भाग लिन पाउने छैन ।

2, विश्वमा रहेको नेपालीहरुले जहांबाट पनि यस प्रतियोगितामा भाग लिन पाउने छ ।

3, सबै भन्दा बढी प्रश्नहरुको जवाफ मिलाउने प्रतियोगिलाई क्वीज मास्टर अफ द मन्थ घोषण गरिने छ र प्रत्येक महिनामा नगद रु १००१ र प्रशंसा पत्र पाउने छ । यो पुरस्कार विनेसामको केन्द्रिय कार्यालय नेपालबाट प्रत्येक बर्ष एक समारोह विच हस्तान्तरण गरिने छ । अंक बराबरी भएमा निर्णायक मण्डलद्वारा गोलाप्रथाबाट प्रथम घोषणा गरिने छ ।

4, लगातार ३ पटक सम्म क्वीज मास्टर अफ द मन्थ भएमा क्वीज मास्टर अफ द इयर छानिने छ जसको लागि नगद रु ५००१ र प्रशंसा पत्र प्रदान गरिने छ ।

5, प्रश्नहरु जम्मा २५ ओटा प्रत्येक महिनाको १० गते भित्र सोधिने छ । जसको जवाफ हरेक महिनाको २५ गते भित्र विनेसामको ईमेल gfnlksa@gmail.com मार्फत प्राप्त भएकोलाई समाबेस गरिने छ । यस पटकको प्रश्नहरुको जवाफ कार्तिक ३० गते सम्ममा पठाउन सक्नु हुनेछ ।

6, महिनाको उत्कृष्ट प्रतियोगीको नाम पछिल्लो प्रश्न सोध्ने क्रममा उल्लेख गरिने छ ।

7, प्रत्येक अंकमा प्रायोजकहरुको नाम लेखिने छ ।

8, बर्षको एक पटक संकलन गरि सबै रेर्कडहरु समाबेस गरि एक संकलन पुस्तक निकालिने छ । उक्त प्रकाशनमा पनि प्रत्येक प्रायोजकहरुको नाम फोटो सहित प्रकाशन गरिने छ । स्मरण रहोस प्रायोजन गर्ने संघ-संस्था/व्यक्तिले ३ महिना बराबरको प्रायोजन गर्न अनिवार्य छ । प्रायोजन गर्न चाहनु हुने संघ-संगठन तथा ब्यक्तिहरुले विनेसामको ईमेल ठेगाना gfnlksa@gmail.com मा सम्पर्क गर्न सक्नुहुनेछ ।

प्रश्नहरुः

१, विनेसामको स्थापना कहिले भएको हो ?

२, अनेसासको केन्द्रिय कार्यालय कहां छ ?

३, विश्व थाहा दिबस कहिले मनाईन्छ ?

४, सबै भन्दा धेरै आँखा हुने जीव कुन हो ?

५, नेपालमा कांस्की पछि सबै भन्दा बढी पानी पर्ने ठांउ कुन हो ?

६, सिसा कलममा लेखिएको HB को पुरा अर्थ के हो ?

७, एक मिटर गहिराई र एक मिटर चौडाई भएको खाल्डोमा कति किलो माटो हुन्छ ?

८, पुलिस र जेल नभएको देश कुन हो ?

९, नेपालको पहिलो गीति चलचित्र कुन हो ?

१०, लेकको जंगललाई “पाल” भनिन्छ भने तराइको जंगललाई के भनिन्छ ?

११, सबैकुरा लुटिएपनि उसको भविष्य बाँकी नै रहेको हुन्छ यो कस्को भनाई हो ?

१२, जनमुक्ति सेना नेपालको औपचारिक रुपमा कहिले घोषणा गरेको थियो ?

१३, एउटै मात्र कृतिका कारण चर्चित नेपाली साहित्यकार को हुन ?

१४, सूर्य-ग्रहण अत्याधिक मात्रामा कति समय सम्म लाग्दछ ?

१५, नेपालको हिमाली क्षेत्रको जमीनमा पाइने एक प्रकारको बहुमुल्य प्राकृतिक जडिबुटी जसले आधा जीव र आधा बनस्पतिको रुप लिईन्छ त्यसको नाम के हो ?

१६, माओबादीले पहिलो पटक कुन सदरमुकाम र कहिले आक्रमण गरेको थियो ?

१७, नेपालको कुन जिल्ला र कुन जातीमा मानिसको मृत्युपछि उनीहरु शवलाई टुक्रा-टुक्रा पारी गिद्धलाई खुवाउँछन् ?

१८, पूर्वीय साहित्यले नाटकलाई केका रुपमा स्वीकार गरेको पाइन्छ ?

१९, बालकृष्ण समद्वारा रचना गरिएको “मुटुको व्यथा” कहिले रचना गरिएको थियो ?

२०, नेपालको सबै भन्दा पुरानो विभूषण कुन हो ?

२१, जापानी भाषामा अनुबाद भएको पहिलो नेपाली कृति कुन हो ?

२२, कुन महासागरमा मानिस डुब्दैन ?

२३, कुन कारमा टेक्यो भने चिप्लीन्छ ?

२४, विश्व शिक्षक दिवस प्रत्येक बर्ष कुन दिन मनाईन्छ ?

२५, विश्वको सबै भन्दा छोटो ब्यक्तिको नाम के हो र उसको कति बर्षको उमेरमा गिनिज बुकमा नाम लेखाईएको थियो ?

__________________________________________________

आयोजकहरुः

विश्व नेपाली साहित्य महासंघ

साउदी अरेविया शाखा

अन्तराष्ट्रिय नेपाली साहित्य समाज

साउदी अरेविया च्याप्टर

-------------------------------------------------------

श्रोतः

हाजिरी जवाफ प्रतियोगिता समुह