अनलाईन साहित्यिक हाजिरी जवाफ प्रतियोगिताको दोस्रो भाग सार्वजनिक ।

अंक २ (दुई)

क्यूज विनेसाम/अनेसास साउदी अरेवियाले संयुक्त रुपमा यो प्रतियोगिताको आयोजना गरेको हो । विश्वमा छरिएर रहेका नेपालीहरुलाई नयां ज्ञान र वुद्धिको श्रृजना हुन अति नै सहयोगी हुने देखिन्छ यो प्रतियोगिता । अझै भन्ने हो भने सम्बन्धित क्षेत्रका युवा वर्गहरुलाई बौद्विक विकासमा केही सानो-तिनो सहयोग पनि यस प्रतियोगिताले दिलाउने हामीले अपेक्षा राखेका छौं ।

यस प्रतियोगितामा भाग लिनको लागि निम्न नियमहरु पालना गर्नुपर्नेछ ।

1, विनेसाम/अनेसासका केन्द्रिय बोर्ड साउदी अरेवियाका सदस्यहरु र सल्लाहकार बोर्डका सदस्यहरुले यस प्रतियोगितामा भाग लिन पाउने छैन ।

2, विश्वमा रहेको नेपालीहरुले जहांबाट पनि यस प्रतियोगितामा भाग लिन पाउने छ ।

3, सबै भन्दा बढी प्रश्नहरुको जवाफ मिलाउने प्रतियोगिलाई क्वीज मास्टर अफ द मन्थ घोषण गरिने छ र प्रत्येक महिनामा नगद रु १००१ र प्रशंसा पत्र पाउने छ । यो पुरस्कार विनेसामको केन्द्रिय कार्यालय नेपालबाट प्रत्येक बर्ष एक समारोह विच हस्तान्तरण गरिने छ । अंक बराबरी भएमा निर्णायक मण्डलद्वारा गोलाप्रथाबाट प्रथम घोषणा गरिने छ ।

4, लगातार ३ पटक सम्म क्वीज मास्टर अफ द मन्थ भएमा क्वीज मास्टर अफ द इयर छानिने छ जसको लागि नगद रु ५००१ र प्रशंसा पत्र प्रदान गरिने छ ।

5, प्रश्नहरु जम्मा २५ ओटा प्रत्येक महिनाको १० गते भित्र सोधिने छ । जसको जवाफ हरेक महिनाको २५ गते भित्र विनेसामको ईमेल gfnlksa@gmail.com मार्फत प्राप्त भएकोलाई समाबेस गरिने छ ।

6, महिनाको उत्कृष्ट प्रतियोगीको नाम पछिल्लो प्रश्न सोध्ने क्रममा उल्लेख गरिने छ ।

7, प्रत्येक अंकमा प्रायोजकहरुको नाम लेखिने छ ।

8, बर्षको एक पटक संकलन गरि सबै रेर्कडहरु समाबेस गरि एक संकलन पुस्तक निकालिने छ । उक्त प्रकाशनमा पनि प्रत्येक प्रायोजकहरुको नाम फोटो सहित प्रकाशन गरिने छ । स्मरण रहोस प्रायोजन गर्ने संघ/संस्था÷व्यक्तिले ३ महिना बराबरको प्रायोजन गर्न अनिवार्य छ तर सह प्रायोजनको लागी न्युनतम एक महिनाको लागि प्रायोजन गर्न अनिवार्य छ । प्रायोजन गर्न चाहनु हुने संघ/संगठन तथा ब्यक्तिहरुले विनेसामको ईमेल ठेगाना gfnlksa@gmail.com मा सम्पर्क गर्न सक्नुहुनेछ ।

भाग २ का प्रश्नहरुः

१, छरिएर रहेको चिन्तनलाई निबन्ध भनिन्छ यो कसको भनाई हो ?

२, त्यो के हो जुन बर्षमा एक पटक आउंछ तर हप्तामा दुई पटक आउंछ ?

३, मानिस मानिसको बिचमा सम्बन्ध स्थापना गराउने अंग्रेजी वाक्य के हो ?

४, “देश भक्ति त मर्दैन चुत्थै देश भए पिन

पति भक्ति त मर्दैन पापी पति भए पनि” ॥

माथिको पंक्तीहरु कुन साहित्यीक नाटकमा पढ्न पाइन्छ ?

५, एशियाको नोबेल पुरस्कार भनेर कुन पुरस्कारलाई भनिन्छ ?

६, तिब्बतीहरुले सगरमाथालाई प्रयोग गर्ने शब्द के हो ?

७, मरुभूमिको हिरा भनेर कुन देशलाई बुझाउंछ ?

८, विश्व मानसिक दिवस कहिले मनाईन्छ ?

९, नेपालको राजनीतिक इतिहासमा सबै भन्दा बढी प्रधानमन्त्री हुने व्यक्ति को हुन् र कति पटक भएका थिए ?

१०, पहिलाको जमानामा नेपाल बैंकलाई के भनेर चिनिन्थ्यो ?

११, हिन्दु धर्म अनुसार प्रथम देवी-देवता भनेर कसलाई मानिन्छ ?

१२, गुणले नै सबै स्थानमा आपनो आदर कमाउँछ यो कस्को भनाई हो ?

१३, त्यो कुन देश हो जहाँ मान्छेको मृत्यु पस्च्यात नचाईन्छ ?

१४, प्रथम विश्व युद्व कति बर्ष सम्म भएको थियो ?

१५, पहिलो कम्प्युटर एप्पल कहिले बनेको थियो ?

१६, लोकतन्त्रबादी नेतृ आङ सान सुकी लामो नजरबन्दबाट कहिले मुक्त भएकी हुन् र उनी कुन देशकी हुन ?

१७, गुन्जन नामक संस्था कुन साहित्यकारहरुको माच हो ?

१८, सगरमाथाको चुचुरोमा २१ घण्टा विना अक्सीजन विताउने व्यक्ति को हुन ?

१९, मोहरम पर्व नेपालको कुन समुदायले मनाउंछ ?

२०, गजेडी ताल नेपालको कुन जिल्लामा पर्दछ ?

२१, बाहिरी बल नलाएसम्म बस्तु स्थिर रहन्छ भन्ने न्युटनकॊ चालसम्बन्धि कुन नियम हो ?

२२, वि.सं १९४४-४८ मा मोतिराम भट्टद्वारा रचना गरिएको शाकुन्तल नाटक कुन कालको प्रथम नाटकका रुपमा स्वीकार गरेको पाइन्छ ?

२३, अर्जुनको धनुलाई गाण्डिब भनिन्छ भने कर्णको धनुलाई के भनिन्छ ?

२४, ज्ञानेन्द्रले कहिले आफुले आफैलाई राजा घोषणा गरेको थियो ?

२५, नेपालमा प्रचण्ड पथ माओबादीको कतियौं सम्मेलनबाट पारित भएको हो ?

----------------------------------------------------------
आयोजकहरुः

विश्व नेपाली साहित्य महासंघ

साउदी अरेविया शाखा

अन्तराष्ट्रिय नेपाली साहित्य समाज

साउदी अरेविया च्याप्टर

____________________________________________
भाग १ मा सोधिएका प्रश्नहरुको जवाफहरु :

१, असार २९, २०६७ भानुभक्त जयन्ती ।

२, अमेरीकामा

३,प्रत्येक बर्ष सेप्टेम्बर २८ तारिख ।

४, पुतली

५,संखुवासभा ।

६, Hard & Black

७, खाल्डोमा माटोनै हुदैन ।

८, आईसल्याण्ड

९, गौंथली

१०, झोडा

११, ईच्छुक

१२, ८ मंसीर २०५८

१३, गुरु पसाद मैनाली

१४, सूर्य अत्याधिक तीव्र गतिले घुमिरहेको हुन्छ त्यसैले कुनै पनि सूर्य गह्रहण ७ मिनेट ५८ सेकेण्डभन्दा अधिक रहँदैन ।

१५, यासा्रगुम्बा

१६, डोल्पाको दुनै सदरमुकाम २०५७ साल अशोज ८ गते ।

१७, मुस्ताङ्ग जिल्लास्थित लोवा जातिमा

१८, पन्चम वेदका रुपमा स्वीकार गरेको पाइन्छ

१९, वि.सं १९८६ मा

२०, गोरखा दक्षिण बाहु

२१, सेतो बाघ, डायमण्ड शमशेर राणा

२२, मृत सागर

२३, खकार

२४, अक्टोबर ५

२५, खगेन्द्र थापा मगर १८ बर्षको उमेरमा उचाई ६७”०८ से.मी.

यस साहित्यीक हाजिरी जवाफ प्रतियोगिता भाग १ मा १७ अंक ल्याएर श्री निरज सापकोटा अमेरीकाबाट प्रथम हुनुभएको छ वहांलाई बधाई छ । सम्पूर्ण सहभागी र प्रयासरत अन्य पाठक र यस कार्यक्रम सफल बनाउनलाई आ-आफ्नो ठाँउबाट प्रत्यक्ष अप्रत्यक्ष सहयोग गर्नुहुने सम्पुर्ण महानुभाबहरु प्रति कृतज्ञता प्रकट गर्दछौं आगामी दिनहरुमा पनि यस्तै निरन्तर सहयोग र सहभागीताको अपेक्षा गर्दछौं ।

श्रोतः हाजिरी जवाफ प्रतियोगिता समुह