एकदिन मिलन हुन्छ

- झुमनाथ चापागाई

घामको नौलो किरणले आशा नौलो जगाउँछ

हरमान्छेको पीरव्यथा त्यसैले नै हटाउँछ

घामकै रातो किरणले यो मनमग्न हुन्छ

तिमीलाई सम्झेपछि यो मन मस्त हुन्छ

तिमी जहाँ भएपनि जति टाढा गएपनि

फेरि भेट्ने एउटा आशा भए पुग्छ

मबाट तिमीलाई धोका हुने छैन

सुम्पिसके यो मन फिर्ता हुने छैन

घामको त्यो लालीमा सुनौलो त्यो ज्योती

त्यसैभित्र जीवन अनुपम हुन्छ

विश्वास गरी तिमीलाई राखें मनभित्र

हामी जहाँ भएपनि एकदिन मिलन हुन्छ

हामी जहाँ भएपनि एकदिन मिलन हुन्छ

हालः कतार