गजलकार "भगवती बस्नेत" सँगको अडियो अन्तरवार्ता

- वि‌ष्णु प्र. चापागाई

परदेशमा बिझाएको कहर यो जिन्दगी

प्रकाशित कृतिः

सुख खोज्दै भौतारिने रहर भो जिन्दगी ।

हजुर! नेपाली गजलमा एक नयाँ नामले परिचित हुनुभएको छ भगवती बस्नेत । बैदेशिक रोजगारको शिल्शिलामा बिगत केही बर्षदेखि इजरायली भूमिबाट कलम चलाउँदै आएकी कलमकर्मी भगवती बस्नेतको प्रथम साहित्यिक कोशेली "रहर भो जिन्दगी" गजल संग्रह बिमोचित भइसकेको छ । इजरायली भूमिमा कार्यरत नेपालीहरूको एकमात्र छानोको रुपमा रहेको साहित्यिक संस्था अन्तरराष्ट्रिय नेपाली साहित्य समाज 'इजरायल' च्याप्टरले ३ सेप्टेम्बर २०११ मा भब्य समारोह बीच बिमोचन गरेको थियो । बैदेशिक रोजगारीको ब्यस्तताका वावजुद पनि सिर्जनशिल हातहरुबाट भटाभट सिर्जना गरिनु कुनै चानचुने कुरा हैन । सिर्जनाको लागि नेपाली मनहरूको यस बिशेष झुकाबलाई अझै पारदर्शी बनाइदिनुभएको छ सिर्जनशिल साहित्यकार भवगती बस्नेत ज्यूले ।

सकारात्मक परम्परा मनभरि साँचेकी छु

विछोडको चोट भुली सिर्जनामा हाँसेकी छु ।

                      .....................

सधै भरि आफ्नो वशमा नहुने यो घामपानी

सुखदुःख जेलिएको अनौठो छ जिन्दगानी ।



गजलकारः भगवती बस्नेत



गजलकार भगवतीजीले रहरै रहरमा सिर्जना गरिएको सिर्जनाहरूलाई आफ्नो डायरीमा राख्दा खासै महत्त्व नरहने हराउने वा दुरुपयोग हुने हुनाले आफ्नो सिर्जनाहरूलाई अग्रजहरूको सहयोगमा “रहर भो जिन्दगी” कृतिको रुपमा प्रकाशन गर्नसकेकोकुरा बताउनुहुन्छ । गजल साहित्यमा खहरेबाट बाढीमा परिवर्तन भएको यथार्थ पछिल्लो समयमा प्रकाशित कृति "रहर भो जिन्दगी" ले साहित्यिक प्रतिनिधिको रुपमा ईंटा थप्ने काम गरेको छ । बाल्यकालदेखि नै उहाँको साहित्यप्रति लगाब र अभिरुची भएपनि यसलाई निरन्तरता दिन नसकेको र हाल आएर आफ्नो लगाबलाई पूरा गर्न सक्षम नारी बन्नु भएको छ भगवती बस्नेतज्यू । प्रवासी बसाइमा पनि आफ्ना सहकर्मी हितैसी तथा अनेसास इजरायलको सामिप्यताको कारण साहित्यिक सिर्जनामा अघि बढ्न हौसला मिलेको कुरा उहाकै शब्द, श्रृजना तथा गजलहरुबाट प्रष्ट हुन्छ ।

गजलकार बस्नेतज्यूको पहिलो कृति “रहर भो जिन्दगी” को सम्बोधन गर्दै आज रेडियो नेपालको साहित्यिक कार्यक्रम उद्धगारबाट उहाँकै स्वर तथा शब्दमा प्रसारण गरेको छ । प्राविधिक मित्र सुलोचना वज्राचार्यको साथमा संचालक रमेश पौडेलज्यूले लिनुभएको रेडियो अन्तर्वार्तामा गजलकार भगवती बस्नेतज्यूको प्रत्यक्ष आवाज सुन्न पाइन्छ । सुनौ उहाँको भावनाहरु.......