तीन मुक्तकहरु

- विष्णु बैकुण्ठे

१.
परदेशमा बहेको मन दुखाएरै रोएँ
देखाउँदा लाज लाग्ने लुकाएरै रोएँ
कति लुकाउँ जिवनभरी मनको पीर व्यथा
विरहले भरिएको तन फूकाएरै रोएँ

२.
मनसँगै मुटुपनि कपेरै दिनु
जुनी-जुनी पुग्नेगरी थपेरै दिनु
चाहन्छे ऊ अरुपनि ... तिमीसँगै छ
भलो उनको सदासदा जपेरै दिनु

३.
नसोध मलाई अब अरु शिक्षा दिऊँ की ?
नखोज फाटिरहने जीवन-भिक्षा सिऊँ की ?
चितामाथि छट्पटाउने जीउँदो लास म…
नरोज दागवत्ती प्राण परीक्षा लिऊँ की ?