रत्ननगर, मंसिर २५ - कुनै पौडीबाज ताल वा पोखरीमा स्थिर कति तैरीरहन सक्छ ? सायद केहि मिनेट हुन सक्छ । हलचल नगरि पानीमै घण्टौ सुतिरहन भने जोकोहिलाई मुस्किल पर्ला । तर यहाँका एक युबक यसरी पानीमा स्थिर तैरिएर सबैलाई छक्क पारेका छन् ।
रत्ननगर नगरपालिका-१ का बिकर्णकुमार श्रेष्ठ पानीमा हात खुट्टा नचलाई घण्टौं स्थिर रहन सक्छन् । ठुला तालमा उनि आरामसाथ सुतेर बस्न सक्छन् । सामान्य चप्पल लगाएर उनि सिधा सुत्छन् भने चप्पल नलगाई अलि ढाडो परेर घण्टौं स्थिर रहन्छन् । सानैदेखि पौडीमा रुची राख्ने ३२ बषिर्य बिकर्णले यहांका नदि तालमा लामो दुरीसम्म पौडेर पार गर्दे आएका छन् । यहाँको टिकौली तालमा पानी माथि स्थिर सुतेर देखाउंदै उनले कान्तिपुरसँग भने, 'आनन्दपुर्बक म पानीमा जति पनि उत्रन सक्छु ।' पानीमा शरिरको कुनै भाग नचलाई उत्रन उनले आंफै अभ्यास गरेको बताए । हातका औंला, खुट्टा, टाउको र भुंडीको सन्तुलनबाट मानिस पानीमा पात झैं उत्रिरहन सक्ने उनको भनाई छ । ८२ केजी तौल भएका उनले शरिरलाई पानीमा माछाको भुरा झैं सुलुसुलु पौडिन्छन् ।
पानीमा श्वासप्रश्वास चालको भुमिका महत्वपुर्ण हुन्छ, उनि भन्छन्, 'पानीमा सुत्न, थचक्क बस्न र पौडिन श्वास लिने छोड्ने प्रक्रियाले डुब्ने उत्रने कामको निर्धारण गर्छ ।' पौडिन जति कठिन छ, त्यो भन्दा ज्यादा स्थिर पानीमा बस्न अलग्गै सिप र कला आबस्यक पर्छ । बगिररहेको पानीमा उनि सलल बगेर धेरै टाढा पुगेको उनको अनुभब छ । नारायणी नदिमा उनि १० किमी बढी तैरिएर पुग्ने गर्छन् । नदिमा पानीको गतिसंगै बग्न कुनै कठिन हुंदैन, उनले भने,'तर ताल वा पोखरीको पानीमा स्थिर रहन शरिरको सन्तुलन मिल्नुपर्छ ।'
उनि यहांका नदिमा पौडेर टाढा पुग्ने मात्र होइन, तालहरुमा दिनभर पौडिनरहन्छन् । यस्तो अदुभुत कला मैले पहिलो पटक देखें, काठमाण्डौदेखि घुम्न आएका अर्जुन देबकोटाले भने, 'छिटो तथा अनेक बिधीबाट पौडिन सक्ने ब्यक्ति सुनेको देखेको थिएं, तर पानीमा हलचल नगरि बसिरहन सक्ने पहिलो पटक देख्दैछु ।'
बिकर्णको यो कलालाई लायन्स क्लबले जुलाईमा अमेरिकामा प्रदर्शन गर्ने तयारी गरेको छ । यसका लागि रत्ननगर लायन्सबाट खर्च जुटाउने र उनको कलाबारेमा अमेरिका स्थित नेपालीहरु माझ पत्राचार गरिसकेको छ । उनि यहांको लायन्स क्लबको उपाध्यक्ष समेत हुन् । यस अघि पानीमा स्थिर उत्रिएर थाइल्याण्डमा प्रदर्शन गरिसकेका छन् । ५ दाजुभाई मध्येका माइला बिकर्णले मोटर पार्टसको ब्यबसाय गर्दे आएका छन् । सामाजिक काममा रुचि राख्ने उनले हालसम्म ३६ पटक रक्तदान समेत गरिसकेका छन् ।
साभारः इकान्तिपुर
आम्ममम । विकर्ण श्रेष्ठलाई चै मान्नै पर्छ । कत्रो खुबी भएको मान्छे है....
ReplyDelete