- विष्णु बैकुण्ठे
१.टाउको टेकी ढाड भाँच्न जनतालाई थर्काईदैछ ।
नागरिक हितको नाउँमा उसैलाई तर्साईदैछ ॥
स्वर्ग लाग्ने थुम्का-थुम्का लुक्ने ठाउँ बनाई
देवता बस्ने ढुङ्गा आज तालुमाथि बर्साईंदैछ ।।
२.
सरकार मौन हिंसा बढ्दा, देख्ने चाल नभएपछि
बम, गोला-बारुद गोली छेक्ने ढाल नभएपछि
भाइ भाइ युद्ध गर्दा यो मन दुखेपनि
जानै पर्यो दूरदेशमा बाँच्ने हाल नभएपछि
३.
सँगै जीउने आशाबाट चुक्न नपरोस्
बाध्यताको संघारभित्र लुक्न नपरोस्!!
कहाँ जान्छ्यौ मछली मेरै ढडिया
घर आउने बाटो तिम्रो ढुक्न नपरोस् ।
४.
आफू पछारिदा ईश्वरलाई गाली किन ?
सफाई नगर्ने भए बगैंचामा माली किन ?
केराको बोक्रा जहींतहीं खाएर फ्याँकेपछि
लड्छौ चिप्लिएर सधै चढ्छौ उकाली किन ?
५.
भविश्य सुन्दर देख्दा चिड्चिडाउने धेरै हुन्छन्
तिम्रै बन्छु भन्दै यहाँ घिड्घिडाउने धेरै हुन्छन्
सिंगान पुछ्ने भन्दै उल्टै नाक काटी दिएपछि..
न्याय माग्न ढोकाहरु खिड्खिडाउने धेरै हुन्छन्
No comments:
Post a Comment
- प्रतिकृया लेख्दा कृपया सभ्य भाषाको प्रयोग गर्नुहोला ।
- तलको Comment as बक्समा (Name/URL) छानेर नाम मात्र लेखे हुन्छ ।
- असभ्य र आपत्तिजनक शब्दहरु प्रकाशनको लागि अमान्य हुनेछन् ।
- यदि तपाईंहरु पनि आफ्नो लेख, रचनाहरु प्रकाशित गराउन चाहनुहुन्छ भने
meroshrijana@gmail.com मा पठाउनुहोला ।