आदरणीय साहित्यिक अग्रज तथा पृय साथीहरुमा साहित्यिक नमस्कार ।
9th Dec 2010 बिहिबार सीता सुबेदी प्रकृतिज्यूले उहाँको स्टाटसमा एक मुक्तक शेयर गर्नुभएको थियो । उक्त मुक्तकको प्रतिकृया दिने क्रममा मैले अनि उहाँले पुनः मुक्तकबाट नै प्रतिकृया दिनेक्रम जारी रह्यो । अनलाइनबाट यो क्रम करिब एक घन्टासम्म निरन्तर चलिरहँदा मुक्तक दोहोरी बन्न पुग्यो । जुन मुक्तक दोहोरीलाई जस्ताको तस्तै यहाँहरुसमक्ष पेश गरेको छु...
Sita Subedi 'Prakriti'
आँशु सुके नयन दुखे, तिम्लाई हेर्ने बानि छुट्छ
जति टाढा जान खोज्छौ, मायाको यो खानी फुट्छ
तिम्ले माया मलाई गर, भन्नु मेरो आफ्नै भुल
इन्कार गरे पनि प्रिय,तिम्रो लागि जवानी जुट्छBishnu Baikunthe
जवानी त त्यसै गयो मलाई पर्खे नपर्खे पनि
आफ्नो मान्छे आफ्नै हुन्छ सुनपानी नछर्के पनि
सम्हालेर राख त्यो मन मैले माया गरेकै छु
तिमीमाथि इन्कार हुन्न तिमी तर्के नतर्के पनि
Sita Subedi 'Prakriti'
जवानी त आफ्नो यसै नेटो काटी गए पनि.
माया त्यसै लाग्दो रैछ तिमि घाती भए पनि.
मुखले भन्छौ माया गर्छु ठिक्क पार्न जानेकै छौ,
आखिर मलाई एक्लै छोड्यौ ठुलै छाती भए पनि.
Bishnu Baikunthe
घात गर्या छैन तिम्लाई अँटाइरा'छु छातीभित्र
टाढा भए'नि सजाइरा'छु मनमन्दिरको पातीभित्र
बाध्यतामा मुग्लान धाएँ आउँछु फर्की अर्को साल
असल मेरो माया पाउँछौ आफ्नै घरको टाटीभित्र ।
Sita Subedi 'Prakriti'
माया गर्छु भन्छौ मात्र, जाली कुरा कति जान्या ?
मनमन्दिर तिम्रै भन्ने, झ्याली कुरा कति जान्या ?
मुग्लान किन पस्यौ कुन्नि? यतै दुख गरौ भन्थे,
झुक्याउनलाई टाढै बसी, खाली कुरा कति जान्या ?
Bishnu Baikunthe
मुग्लान पस्या गरीबीले कमाउने बाटो नभएपछि
अनि छोडें घर-परिवार, रमाउने बाटो नभएपछि
झुक्याएको हैन प्रिया हृदयबाटै बोलेको छु
तिम्लाई पक्कै दुःख लाग्छ, समाउने बाटो नभएपछि
Sita Subedi 'Prakriti'
सबै कुरा भन्छौ यस्तै छक्क पार्न सिपालु छौ.
समस्या यस्तै भन्दै, मक्ख पार्न सिपालु छौ..
तिम्रो झुटो कुरा मात्र कति सुन्नु मैले अब ?
आफ्नै कुरा सहि भनि निर्धक्क पार्न सिपालु छौ
Bishnu Baikunthe
शंकै शंका हुने खालका कुरा धेरै गर्छौ
यथार्थलाई नबुझेमा तिमी पछि पर्छौधरोधर्म ढाँट्या छैन मलाई विश्वास गर
सत्य कुरा नपत्याउँदा म नभेटी मर्छौ
Sita Subedi 'Prakriti'
शंका भन्ने सोच्यौ भने, ठुलै घात हुन्छ यहाँ
समस्या छ घरमा अझै, सम्झे खात हुन्छ यहाँ
पीरमर्का घरको सबै, मिलि पाखा लाउनु पर्छ.
बिस्वाशघाती भन्यौ भने मन आहत हुन्छ यहाँ
Bishnu Baikunthe
सही कुरा ठाउँमा आउँदा सधैं खुशी हुन्छौं
हामी उही गाऊँमा पाउँदा झनै खुशी हुन्छौं
समस्याको निराकरण दुवै मिली गर्नुपर्छ
घात पखाल्ने गीत गाउँदा अझै खुशी हुन्छौं
----------------------------------------------
विस्तृत विवरणको लागि यहाँ क्लिक गर्नुहोस्
No comments:
Post a Comment
- प्रतिकृया लेख्दा कृपया सभ्य भाषाको प्रयोग गर्नुहोला ।
- तलको Comment as बक्समा (Name/URL) छानेर नाम मात्र लेखे हुन्छ ।
- असभ्य र आपत्तिजनक शब्दहरु प्रकाशनको लागि अमान्य हुनेछन् ।
- यदि तपाईंहरु पनि आफ्नो लेख, रचनाहरु प्रकाशित गराउन चाहनुहुन्छ भने
meroshrijana@gmail.com मा पठाउनुहोला ।