दैलेख, पुस १२- दैलेखको भैरीकालिकाथुम गाविस-९ दाहाचौर निवासी ३७ वर्षीया विष्णुकला नेपालीले आइतबार दुईवटा टाउको भएको नवजात शिशुको जन्म दिएकी छन् । प्रसव व्यथा लागेपछि गाउँको बालेकाँडा उपस्वास्थ्य चौकी लैजाँदै गर्दा बाटोमा दिउँसो ३ बजेतिर जन्मेको नवजात शिशुको दुईवटै टाउकोमा आँखा रहेको स्थानीय बखत खत्रीले जानकारी दिए ।
बाइस वर्षअघि देउराम नेपालीसँग विवाह बन्धनमा बाँधिएकी विष्णुकलाले चार छोरा र एक छोरीपछि यसपटक जन्म दिएकी नवजात शिशु छोरी हो । दुईवटा टाउको भएको शिशुको जन्म भएको सुनेपछि सुत्केरीलाई घरमै भेट्न गएकी स्वयंसेविका कृष्ण खत्रीले आमा र शिशुको स्वास्थ्य सामान्य रहेको बताइन् । सुत्केरीलाई अहिले आफ्नै घरमा राखिएको छ। रासस
No comments:
Post a Comment
- प्रतिकृया लेख्दा कृपया सभ्य भाषाको प्रयोग गर्नुहोला ।
- तलको Comment as बक्समा (Name/URL) छानेर नाम मात्र लेखे हुन्छ ।
- असभ्य र आपत्तिजनक शब्दहरु प्रकाशनको लागि अमान्य हुनेछन् ।
- यदि तपाईंहरु पनि आफ्नो लेख, रचनाहरु प्रकाशित गराउन चाहनुहुन्छ भने
meroshrijana@gmail.com मा पठाउनुहोला ।