विश्व नेपाली साहित्य महासंघले मनायो नयाँ वर्ष पिएनएन टि.भी. को उद्घाटन

 - विनेसाम / साउदी अरब

विश्व नेपाली साहित्य महासंघ शाखा साउदी अरेवियाको आयोजनामा नव वर्ष २०६९ सालको पावनअवसरमा शुभकामना आदान-प्रदान तथा रचना वाचन कार्यक्रम सम्पन्न भएको छ । साउदीअरेवियाको रहिमामा भएको उक्त कार्यक्रममा विश्व नेपाली साहित्य महासंघका विश्व केन्द्रिय समितिका अध्यक्ष साहित्यकार डा. मधु माधुर्यले अनलाइन मार्फत शुभकामना प्रदान गर्नुभएको थियो भने अनलाइन मार्फत प्राप्त कविता तथा रचनाहरु समेत वाचन गरिएको थियो ।

अनलाइन मार्फत इजराइलबाट भगवती बस्नेतले आफ्नो शुभकामनाका साथै गजल वाचन गर्नुभएको थियो भने दुर्गा खनालले शुभकामनाका शब्दहरु व्यक्त गर्नुभएको थियो । कवि सागर श्रेष्ठले आफ्ना कविताका हरफहरु वाचन गर्नुभएको उक्त कार्यक्रममा संस्थाका महासचिव जीवन थापा सहसचिव गणेश पाण्डे लगायतले शुभकामना तथा आ-आफ्नो मन्तव्य राख्नु भएको थियो ।

कविता बाचन गर्दै आफ्ना शुभकामना शब्दहरु संगै प्रवासी नेपाली डटकमको तर्फबाट संचालित पिएनएन इन्टरनेट टेलिभिजनको उद्घाटन गर्दै संस्थाका अध्यक्ष खगेन्द्र अधिकारी अमृतले नेपालमा छिटै शान्ति स्थापना भइ नयां संविधान जारी हुन सकोस भन्ने कामना गर्नुभएको थियो । कार्यक्रमको पिएनएन अनलाइन रेडियो तथा भिडियोबाट प्रत्यक्ष प्रशारण समेत गरिएकोथियो ।