पाँच टुक्राहरु

- विष्णु बैकुण्ठे

१.
नाचुँ नाचुँ लाग्छ तालमा उसैको ।
झम्म झम्म रम्न मनलाग्छ उसैको ॥
तिमीले थाहानपाउनु अलग कुरा हो……
छोडिगयो संसार याद आउँछ उसैको ॥

२.
तिमीले माया देखायौ त मरो दिन फर्कनेभो ।
च्यातिएको क्यानाभासमा तिम्रो दिल थर्कनेभो ॥
ढुङ्गाले त सहारा पाउँछ मैले नपाउने कुरै भएन…
तिमीसँग साइनो गासिएसी नयाँ फूल फक्रनेभो ॥

३.
अन्तरआत्मा लुकाई हिड्दा अब तिम्रो जय हुन्छ ।
नीदरीमा देख्या सपनाले विपनामा भय हुन्छ ॥
अञ्जान गीत सबैले सजिलै गाउँछन् धन्दा नमान……
आँखा जुधाउन सबैले काँशीधाममा गए हुन्छ ॥

४.
पृयाले मायाको ढुङ्गाले हानेको हुँदा विस्तारो दुख्छ ।
आफूमाथि आएको रीसको आगो थाहैनपाई लुक्छ ॥
बेमौषमी फलेको फूलकोपी जस्तै तिमी फक्रन्छौ…
हान्न पाएँ भनेर फूलले हान्दा पनि बेस्सरी नै दुख्छ ॥

५.
के भन्यौ यो तिमीले तिमी रुँदा म पनि रुदैछु ।
चिन्ता नमान तिमी टाढिए म नजिक हुदैछु ॥
बरु भएन होला तिमीलाई छटपटी मेरो झैं…
धरोधर्म ढाँट्या हैन कसम खाएँ यो मुटु छुदैछु ॥