विष्णु प्रसाद चापागाई, दमाम
साउदी अरबको यान्बुमा ६८ जना नेपाली कामदारहरू आएको ४ महिना भैसक्दा पनि तलबै पाउन सकेका छैनन् । उनीहरूको करारनामा बमोजिम सबै कामदारहरूलाई न्युनतम १ हजार साउदी रियाल तलब त उल्लेख छ, अरू सुविधाहरू पनि ऐन नियम बमोजिम नै छन्, उनीहरूलाई रोजगार दाता कम्पनीले इकामा पनि दिलाइसकेको छ तर ४ महिना बितिसक्दा पनि न त काममा नै लगाउन सकेको छ न त तलब नै दिनसकेको छ । यस्तो अवस्थामा निश्चित रूपमा यी कामदारहरूको र यी कामदारहरूमा आश्रित परिवारजनहरूमा ठूलो समस्या र चिन्ता छाएको छ ।
पीडित कामादारहरूमध्येकै कास्कीका जिबन भुजेलले आज बिहान एनआरएनए साउदी अरबमा यो समस्याका बारेमा जानकारी दिए पछि एनआरएनएले नेपाली राजदूतावासका उपनियोग प्रमुख तथा एनआरएनएका फोकल प्वाइन्ट हरिश्चन्द्र घिमिरेज्यु समक्ष यो समस्या समाधानका लागि पहल गरिदिन अनुरोध गरिसकेको छ ।
साउदी अरबमा कामदारहरू ठगिदै शोषिदै न्युन तलबमा काम गर्नु परेको, साउदीकरणका कारण कतिपय रोजगारदाता कम्पनीहरू रेडजोनमा परी स्वदेश फर्किन समेत नपाईरहेको, घरेलु महिलाहरूले पीडा र शोषण खेप्दै असुरक्षित रोजगारमा पिल्सिरहेको बेला ४ महिनासम्म तलबै नदिने जस्ता नयां नयां समस्याहरू थपिइरहेका छन् ।
No comments:
Post a Comment
- प्रतिकृया लेख्दा कृपया सभ्य भाषाको प्रयोग गर्नुहोला ।
- तलको Comment as बक्समा (Name/URL) छानेर नाम मात्र लेखे हुन्छ ।
- असभ्य र आपत्तिजनक शब्दहरु प्रकाशनको लागि अमान्य हुनेछन् ।
- यदि तपाईंहरु पनि आफ्नो लेख, रचनाहरु प्रकाशित गराउन चाहनुहुन्छ भने
meroshrijana@gmail.com मा पठाउनुहोला ।