नेपालगन्ज, कार्तिक ३
यहाँका मुस्लिम समुदायले टीका र जमरा लगाएर महान चाड दसैं मनाएका छन् । समुदायका अगुवाहरूले विजयादशमीका दिन देवीको प्रसादस्वरूप रातो टीका र पहेँलो जमरा लगाएका हुन् । विजयादशमीमा साइत छोपेर टीका लगाउन मुस्लिमहरू आफूकहाँ आएकाले बाँकेका प्रमुख जिल्ला अधिकारी वासुदेव दाहालले प्रसन्नता व्यक्त गरे । मुस्लिमहरू पहिलोपटक आफूकहाँ टीका थाप्न आएको उनले बताए ।
'सामाजिक र धार्मिक सद्भावको अनौठो उदाहरण देख्न पाइयो,' प्रमुख जिल्ला अधिकारी दाहालले भने, 'यो एउटा धर्मावलम्बीले अर्को धर्मावलम्बीप्रति देखाएको सम्मान हो ।' बिहान ११ देखि साँझसम्म जिल्ला प्रशासन कार्यालयमा दाहालसित टीका थाप्न जानेहरूमा हिन्दु र मुस्लिम समुदायका बराबरी थिए । इन्द्रपुर गाउँबाट आएका रमजान शेख र उनका छोरा दसैंको टीका र जमरा लगाउन प्रमुख जिल्ला अधिकारीकहाँ पुगेका थिए । उक्त गाउँकै अलि हुसेन र बेलहरीका इमामूलहक खाँलगायत धेरैले यो दसैं टीका र जमरा लगाएर मनाए । 'आपसी सौहार्दता कायम गर्न मुस्लिमहरूले दसैंको टीका लगाउन थालेका हुन्,' सञ्चारकर्मी मोहम्मद हरूनले भने ।
कान्तिपुरबाट
No comments:
Post a Comment
- प्रतिकृया लेख्दा कृपया सभ्य भाषाको प्रयोग गर्नुहोला ।
- तलको Comment as बक्समा (Name/URL) छानेर नाम मात्र लेखे हुन्छ ।
- असभ्य र आपत्तिजनक शब्दहरु प्रकाशनको लागि अमान्य हुनेछन् ।
- यदि तपाईंहरु पनि आफ्नो लेख, रचनाहरु प्रकाशित गराउन चाहनुहुन्छ भने
meroshrijana@gmail.com मा पठाउनुहोला ।