- हिक्मत थापा, लेगोस/नाइजेरिया
२९ अक्टुबर, पश्चिमी अफ्रिकी मुलुक नाइजेरियाको लेगोसमा अवस्थित गैर आवासीय नेपालीहरुले सामूहिक रुपमा दशैं मिलन कार्यक्रम आयोजना गरेका छन् । एनआरएनए नाइजेरियाको आयोजनामा सम्पन्न कार्यक्रममा गैर आवासीय नेपाली संघका अफ्रिका क्षेत्रिय संयोजक हिक्मत थापाले दशैंको शुभकामना व्यक्त गर्दै नयाँ सदस्यहरुको स्वागत तथा परिचय गराउनुभएको थियो ।
कार्यक्रममा मुख्य अतिथिको रुपमा लेगोस स्थित भारतीय उच्च आयुक्त कार्यालयका श्री अरुण कुमार सिंहले सबैलाई बडा दशैंको शुभकामना व्यक्त गर्नुभएको थियो । सिंह नेपालीमूलका भारतीय हुनुहुन्छ । कार्यक्रममा एनआरएनए नाइजेरियाका सल्लाहकार उद्धव प्रधान निरण मानन्धर महासचिव चिरञ्जीवी रोक्का कोषाध्यक्ष मन थापा सहकोषाध्यक्ष प्रेम क्षेत्री लगायतले शुभकामना व्यक्त गर्नुभएको थियो ।
कार्यक्रमको अन्त्यमा नेपाली गीत र नृत्यले मनोरञ्जन गरिएको थियो भने नेपाली परिकारहरुको सामूहिक भोजको समेत आयोजना गरिएको थियो । कार्यक्रममा लेगोस स्थित नेपालीहरुको ठूलो संख्यामा उपस्थिति रहेको थियो ।
No comments:
Post a Comment
- प्रतिकृया लेख्दा कृपया सभ्य भाषाको प्रयोग गर्नुहोला ।
- तलको Comment as बक्समा (Name/URL) छानेर नाम मात्र लेखे हुन्छ ।
- असभ्य र आपत्तिजनक शब्दहरु प्रकाशनको लागि अमान्य हुनेछन् ।
- यदि तपाईंहरु पनि आफ्नो लेख, रचनाहरु प्रकाशित गराउन चाहनुहुन्छ भने
meroshrijana@gmail.com मा पठाउनुहोला ।