जून र दीप

- विष्णु बैकुण्ठे

जूनको उज्यालोलाई

सूर्यले चुनौति दिन्छ

दीपलाई राँकोले चुनौति दिन्छ

राँको र सूर्य आवेशमा आएका अस्त्र जस्तै बन्दा

दीप र जून

निडर, शान्त र शालिन बनी

अन्धकारमा आफ्नो असल परिचय गराउन

अभ्यस्त छन्

आँखा टहलाउँछ,

मन पग्लिन्छ

दुःखले पराजय पाउँदाको समय

नयनका नदीहरू सुकिसक्छन्

मनभित्रका सुकेका भावहरू उप्किन्छन् र बोल्छन्...

शान्ति ! तिमी अझै यहाँ ?

म सँगै बस ल ।

सधैं । सधैं ।।