गाइजात्रा विशेष

- विष्णु प्रसाद चापागाईं

अग्नी एयरको जहाज पाइलटले उडायो ।

मकवानपुरको पहाडमाथि अग्नीले नै डढायो

"मौषम खराबीले दुर्घटना" उद्दारसुत्रले बोल्यो

सवार चौधजना यात्रु सबैलाई नै पोल्यो ।।

************************

पोल्नु पर्ने मान्छेलाई पोल्नै सक्दैनन् ।

उद्दार गर्न जाउ भन्दा बोल्नै सक्दैनन् ।।
उठ्नै नसक्ने गरी घुष धेरै खान्छन् ।
ओकले जाति हुन्थ्यो तर ओकल्नै सक्दैनन्
************************
नेता राम्रा थिए भने श्वास राम्रो हुन्थ्यो ।
शुद्ध हावा, डाँडा माथि खुलेर जहाज घुम्थ्यो
राम्रा कामको हाम्रा आसमा सुनाखरी छाउँथे।
हाम्रा काम हेर्न जहाज घर-घरमै आउँथे ।।
*************************
राम्रो इन्जिनको मेसिनले धुवाँ थोरै फाल्छ ।
देश विगार्ने मानिसले जुँगा धेरै पाल्छ ।।
जुँगा मसार्दै धम्कि लडाउँदै कुरा गर्न थाल्छ
उसका विचार उधिन्नेलाई खुरु-खुरु ढाल्छ ।।
*************************
भ्रष्ट नेता बढेपछि जनता काला भए ।
काला जनको रन्को पनि महा-काला भए
धेरै कालो भएपछि मौषम विग्रियो ।
त्यसैले त मकवानपुरमा जहाज बज्रियो ।।
*************************
पैसा अझै धेरै खान पाचौ चुनाव गरे ।
खान जो-जो उठेका थे सबैले नै हारे ।।
राम्रो बनाउन खोज्नेलाई अर्कोले खुट्टा तान्छ ।
मान्छे राम्रा भए पो मौषम राम्रो बन्छ ।।
****************************
श्रद्धाञ्जली भन्दा अरु बोल्नै जान्दैनन् ।
पीडीतसँग प्रष्ट विचार खोल्नै मान्दैनन् ।।
विचार खोल्दा ईंजार खोलेजस्तै हुन्छ रे।
त्यसैले त हाम्रा नेता कट्टु लाउनै भूल्छन् रे ।।
****************************
अफिस खुल्ला भित्र छिर्दा विचित्र हौ साथी ।
कट्टु छैन कन्दनीमा खुट्टा टेबलमाथि ।।
आँखा छोप्दै ख्वाक्क खोक्दै कुलेलाम ठोकें ।
मन्त्रीज्यूको हालत यो मनभरी बोकें ।।
****************************
आफु नांगो भनेको त ऊ पो नांगो रहेछ ।
कुरा गरौं कसलाई भनौ मुखै बांगो भएछ ।।
चुपचाप बसें म त कुरी-कुरी मान्दै ।
पौरखी छु इज्जति छु मै गतिलो ठान्दै ।।
****************************
इज्जत आफ्नो जोगाउन मलाई धौ धौ पर्यो ।
प्रकाश भो हालत उसको मेरो धौ धौ टर्यो ।।
म गतिलो कि मन्त्री गतिलो तपाई आफैं सोच्नुस् ।
के हुन्छ निष्कर्ष यो गाइजात्रामा ठोक्नुस् ।।
****************************

साउदी अरेवियाबाट