अनलाईन साहित्यिक हाजिरी जवाफ प्रतियोगिताको चौथॊ भाग सार्वजनिक ।

अंक ४ (चार)

विनेसाम/अनेसास साउदी अरेवियाले संयुक्त रुपमा यो प्रतियोगिताको आयोजना गरेको हो । विश्वमा छरिएर रहेका नेपालीहरुलाई नयां ज्ञान र वुद्धिको श्रृजना हुन अति नै सहयोगी हुने देखिन्छ यो प्रतियोगिता । अझै भन्ने हो भने सम्बन्धित क्षेत्रका युवा वर्गहरुलाई बौद्विक विकासमा केही सानो-तिनो सहयोग पनि यस प्रतियोगिताले दिलाउने हामीले अपेक्षा राखेका छौं ।

यस प्रतियोगितामा भाग लिनको लागि निम्न नियमहरु पालना गर्नुपर्नेछ ।

1, विनेसाम/अनेसासका केन्द्रिय बोर्ड साउदी अरेवियाका सदस्यहरु र सल्लाहकार बोर्डका सदस्यहरुले यस प्रतियोगितामा भाग लिन पाउने छैन ।

2, विश्वमा रहेको नेपालीहरुले जहांबाट पनि यस प्रतियोगितामा भाग लिन पाउने छ ।

3, सबै भन्दा बढी प्रश्नहरुको जवाफ मिलाउने प्रतियोगिलाई क्वीज मास्टर अफ द मन्थ घोषण गरिने छ र प्रत्येक महिनामा नगद रु १००१ र प्रशंसा पत्र पाउने छ । यो पुरस्कार विनेसामको केन्द्रिय कार्यालय नेपालबाट प्रत्येक बर्ष एक समारोह विच हस्तान्तरण गरिने छ । अंक बराबरी भएमा निर्णायक मण्डलद्वारा गोलाप्रथाबाट प्रथम घोषणा गरिने छ ।

4, लगातार ३ पटक सम्म क्वीज मास्टर अफ द मन्थ भएमा क्वीज मास्टर अफ द इयर छानिने छ जसको लागि नगद रु ५००१ र प्रशंसा पत्र प्रदान गरिने छ ।

5, प्रश्नहरु जम्मा २५ ओटा प्रत्येक महिनाको १० गते भित्र सोधिने छ । जसको जवाफ हरेक महिनाको २५ गते भित्र विनेसामको ईमेल gfnlksa@gmail.com मार्फत प्राप्त भएकोलाई समाबेस गरिने छ ।

6,महिनाको उत्कृष्ट प्रतियोगीको नाम पछिल्लो प्रश्न सोध्ने क्रममा उल्लेख गरिने छ ।

7, प्रत्येक अंकमा प्रायोजकहरुको नाम लेखिने छ ।

8, बर्षको एक पटक संकलन गरि सबै रेर्कडहरु समाबेस गरि एक संकलन पुस्तक निकालिने छ । उक्त प्रकाशनमा पनि प्रत्येक प्रायोजकहरुको नाम फोटो सहित प्रकाशन गरिने छ । स्मरण रहोस प्रायोजन गर्ने संघ-संस्था/व्यक्तिले ३ महिना बराबरको प्रायोजन गर्न अनिवार्य छ तर सह प्रायोजनको लागी न्युनतम एक महिनाको लागि प्रायोजन गर्न अनिवार्य छ । प्रायोजन गर्न चाहनु हुने संघ-संगठन तथा ब्यक्तिहरुले विनेसामको ईमेल ठेगाना gfnlksa@gmail.com मा सम्पर्क गर्न सक्नुहुनेछ ।

भाग ४ का प्रश्नहरुः

१ विश्व आप्राबासन दिवस कहिले मनाईन्छ ?

२ दक्षिण एसियाली क्षेत्रीय सहयोग संगठन सार्क को स्थापना कहिले भएको थियो ?

३ विश्व चर्चित पत्रकार विकिलिक्सको संस्थापक तथा सम्पादक असान्जलाई कहिले गिरफ्तार गरिएको थियो ?

४ भ्रष्टचार विरुद्वको अभियान प्रत्येक बर्ष कुन दिन मनाईन्छ ?

५ सूर्यको प्रकाश पृथ्वीसम्म आइपुग्न कति समय लाग्छ ?

६ निद्रामा हिड्ने बानी भएको मान्छेलाई के भनिन्छ ?

७ बेसबल खेल्ने मैदानलाई के भनिन्छ ?

८ कुन कविलाई संस्कृत साहित्यको आदिकवि भनिन्छ ?

९ स्वर्ग भन्दा पनि प्यारा आमा-बाबु र स्वदेश हुन् यो वाक्य नेपालको कुन बिभूषणमा अंकित छ ?

१० गंगोटी नामक रोग के मा लाग्दछ ?

११ सगरमाथा दिवस कहिले मनाईन्छ ?

१२ एकै याममा दुई पटक सगरमाथा आरोहण गर्ने आरोही बाबुछिरी शेर्पाले कहिले आरोहण गरेको थियो ?

१३ म भित्र अर्के छ कविता संङ्ग्रह का लेखक को हुन ?

१४ पाहाडी जीवन कुन लेखकको निबन्ध हो ?

१५ प्रवासी नेपाली साहित्यकार भनेर कसलाई चिनिन्छ ?

१६ डाइनोसरस भनेर कुन वैज्ञानीकले नाम राखेका थिए ?

१७ वि.सं. १८५५ मा शक्ति बल्लभ अर्यालद्वारा रचना गरिएको सवैभन्दा पहिलो नाट्यकृति केलाई मानिन्छ ?

१८ चीन र भारत दुवै देशलाई छुने अाचल कुन-कुन हुन् ?

१९ पत्रकार कृष्ण सेनको कहिले कसरी मारीयो ?

२० बुद्ध धर्मको झन्डामा भएका ५ रंगको अर्थ के-के हो ?

२१ नेपालमा सबैभन्दा बढी जिल्ला भएको अाचल कुन हो ?

२२ ३२ भाईको एउटै मतो मन के हो ?

२३ तीन नदीको संगमलाई त्रिवेणी भने झैं दुई नदीको संगमलाई के भनिन्छ ?

२४ रेपि्रुजेरेटरको आविस्कार को हो ?

२५ कहिल्यै कसैको उपनिवेश नबनेको तरपनि सार्वभौमिक भनेर भन्न नसकिने सार्क राष्ट्र कुन हो?

आयोजकहरुः

विश्व नेपाली साहित्य महासंघ

साउदी अरेविया शाखा

अन्तराष्ट्रिय नेपाली साहित्य समाज

साउदी अरेविया च्याप्टर

------------------------------------------------------------------------------

भाग ३ मा सोधिएका प्रश्नहरुको जवाफहरु:

१, नोभेम्बर २०, २०१०

२ स्वीटजरल्यान्ड ।

३ खुम्जुङ गाउं विकास समितिमा

४ इष्टमित्र

५ २०४२ साल साउन २९ गते

६ प्राथमिक काल

७ व्ल्याक उइडो स्पाइडर

८ शिरिषको फूल २०२२ साल

९ रुकुम पुस ५, २०५७

१० ई. स. २००६ बाट

११ १ असत्य नबोल्नु २ चोरी नगर्नु ३ िहंसा नगर्नु ४ मद्यपान नगर्नु ५ परस्त्रीगमन नगर्नु

१२ ६ बर्ष सन १९३९-१९४५ सम्म

१३ दिशा

१४ चाईनिज

१५ मगर

१६ चलचित्र हास्य कलाकार

१७ गबर फिल्ड साउदी अरेबिया

१८ साबुनको फिज

१९ प्रत्यक बर्ष डिसेम्बर १

२० मुस्ताङ्ग

२१ ब्याडमिन्टन

२२ विश्वको नगरसभा

२३ चीन

२४ २१ कार्तिक २०६०

२५ लग्जेम्वर्ग

यस साहित्यीक हाजिरी जवाफ प्रतियोगिता भाग ३ मा २१ अंक ल्याएर निरज सापकोटा अमेरीकाबाट प्रथम हुनुभएको छ वहांलाई बधाई छ । सम्पूर्ण सहभागी र प्रयासरत अन्य पाठक र यस कार्यक्रम सफल बनाउनलाई आ-आफ्नो ठाँउबाट प्रत्यक्ष अप्रत्यक्ष सहयोग गर्नुहुने सम्पुर्ण महानुभाबहरु प्रति कृतज्ञता प्रकट गर्दछौं आगामी दिनहरुमा पनि यस्तै निरन्तर सहयोग र सहभागीताको अपेक्षा गर्दछौं ।

श्रोतः हाजिरी जवाफ प्रतियोगिता समुह