- अज्ञात
जब म त्यस रात घरमा पुगेँ, मेरी श्रीमती खान पस्किन तरखर गर्दै थिइन् । उनको हात समात्दै मैले भनें: "तिमिसित एउटा कुरा गर्नुछ"। उनी बसिन् र चुपचाप खान थालिन् । मैले उनको आँखामा उदासीपन महसुस गरें । अचानक मेरो वाक्य बन्द भयो । तर जे कुरा मैले धेरै दिनदेखि सोचिरहेको थिएँ, त्यो भन्न जरुरी थियो– "म उनीसँग सम्बन्ध बिच्छेद गर्न गैरहेको थिएँ ।" तरपनि मैले आफ्नो कुरा संयम्का साथ राखेँ ।
मेरो कुराबाट तिनी बिस्मयचकित् भएको पाइन, बरु नम्र भएर सोधिन्- किन? मैले तिनको प्रश्नलाई टार्न खोजेँ । तिनी रिसाइन् र चप्स्टिक हुर्याएर मलाई 'नामर्द' भन्दै चिच्याइन् । त्यस रात हामी दुवैबीच कुराकानी भएन, तिनी रोइरहेकी थिइन् । हाम्रो बैबाहिक सम्बन्धमा के त्यस्तो खोट देखापर्यो भन्ने कुरा तिनले जान्न चाहनु स्वभाविकै कुरो हो । तर मसंग तिनलाई दिने त्यस्तो सन्तोषजनक जवाफ थिएन । जेन भन्ने महिलाले मेरो हृदय जितिसकेको थियो र मैले मेरो श्रीमतीलाई माया गर्न छोडिसकेको थिएँ । तिनिप्रति दया जागेर आयो । गह्रुँगो अपराधबोधका साथ मैले एउटा सम्बन्ध बिच्छेदको सम्झौता-पत्र तयार पारेँ, जसानुसार हाम्रो घर, गाडी र मेरो कम्पनीको ३० प्रतिशत शेयरमा तिनलाई हकदार बनाएँ । तिनले त्यो सम्झौता-पत्रमा एक नजर दिइन् र माडेर च्यातच्युत पारिन् ।
